XIen Congrès de l’Associacion Internacionala d’Estudis Occitans | Del 16 al 21 de junh de 2014 – Universitat de Lhèida.

La data limit de somission de las proposicions de comunicacion per l’XIen Congrès de l’AIEO, que se tendrà a Lhèida del 16 al 21 de junh de 2014, es estada remandada al 15 de decembre de 2013 (darrièra escasença). Après aquela data SERÀ PAS PUS POSSIBLE de presentar de proposicions de comunicacion.
Las proposicions de comunicacion (que pòdon èsser redigidas en quina lenga romanica que siá, en anglés o en alemand) devon portar suls aisses seguents:

1. Occitan ancian
2. Occitan modèrne
3. Literatura occitana de l’Edat Mejana
4. Literatura occitana modèrna e contemporanèa
5. Las politicas linguisticas de l’occitan
6. L’Occitània catalana e la Catalonha occitana. Occitan e catalan
7. Cultura occitana

Per mai d’entresenhas sus l’XIen Congrès de l’AIEO, vos recomandam de consultar nòstre sit Internet: http://aieo2014.udl.cat. Se mestièr fa, tanben podètz contactar lo comitat d’organizacion: ceo (arrova) filcat (punt) udl (punt) cat. D’un autre costat, vos remembram que vos podètz inscriure al Congrès en remplissent lo formulari que trobaretz sul sit del Congrès, e que podètz profechar de la tarifa normala fins al 31 de genièr de 2014: http://aieo2014.blog.cat/inscripcion/